WWW.THESES.XLIBX.INFO
FREE ELECTRONIC LIBRARY - Theses, dissertations, documentation
 
<< HOME
CONTACTS



Pages:   || 2 | 3 | 4 | 5 |   ...   | 14 |

«Uto ni Vakasama: Jisu na uto ni veika kece. Ulutaga: Vakavoui! Jisu—na uto ni noda vakabauta 8 nai vunau ena veisiga (Sigatabu– Sigatabu) Global ...»

-- [ Page 1 ] --

2016 Senior Youth/Young Adults Week of Prayer

Maji 19-26, 2016

Uto ni Vakasama: Jisu na uto ni veika kece.

Ulutaga: Vakavoui!

Jisu—na uto ni noda vakabauta

8 nai vunau ena veisiga (Sigatabu– Sigatabu)

Global Youth Day: Maji 19, 2016

Homecoming Sabbath: Maji 26, 2016

Matai ni Bogi: Na Lewe Tolu Vakalou

JISU NA UTO NI VEIKA KECE | Jisu - na uto ni noda vakabauta Page | 1

Ena veiulutaga ni bogi ni masumasu macawa dua oqo, eda na vakacakulea kina e walu na ulutaga bibi ka yavu talega ni vakavuvuli ni Lotu ni Kavitu ni Lesu Vakarua Mai. Vuqa vei ira na noda lewe ni lotu—rawa ni o iko talega—eda vakatawa walega noda vakasama, dabe sobu ka namaka na kena tokaruataka na dina ni vakavuvuli eda dau rogoca wasoma: Nai kavitu ni siga na Siga ni Vakacecgu, sega ni matai ni siga, ka vuqa talega na veitiki ni Vola Tabu e rawa ni vakadinadinataka.

Nai Vunau e Tini a sega ni bokoci ena kauveilatai, e dodonu mo maroroya tikoga, oqo na veitikina e vakadinadinataka.

E a tekivu na Veilewai Vakatovolei ena 1844, ka rawa ni na kacivi na yacamu ena dua na gauna ga oqo, oqo na veitiki ni Vola Tabu kei na jati vakaparofisai me vakadinadinataka.

Ni da mate, eda mate dina me vaka e dua nai vako ni katuba, ke rairai vei iko e dua na wekamu se nomui tokani voleka, e sega ni o ira dina oqori, e dua na yalo velavela, oqo na veitikina me tokona. Jisu sa voleka ni lesu mai, na gauna ena lako mai kina, ena sega ni lako vakavuni mai ka soli tale e dua na gauna ni veivutuni me da vakabulai ni oti e vitu na yabaki ni veivakararawataki, sa dodonu vei iko mo vakarau ni kua, oqo na kenai vakadinadina mai nai Vola Tabu.

Mai na veika kece oqori, e dodonu mo kania na kakana draudrau, solia nai katini, kua ni sarava na retio yaloyalo, ka papitaiso dromuci talega. Dua e rawa ni vakaemeni? Sega?. Cava e sega ni rawa kina? Eda vakila ni dua na ka e yali tiko ni vakalailaitaka sobu na dina me vaka e dua na ka ni vakanananu walega ka dua talega nai vakarau cecere ni tovo ni bula.

Oqo e dua na dina me da raica: e sega ni dua vei ira nai vakavuvuli oqo, yadua se soqoni vata kece, e tu kina na dina. O sa rogoca beka oya? Sega ni dua vei ira e tiko kina na dina me yacova ni ra yavutaki ka lumuti ena loloma i Karisito. Oqo na vuna e kaya kina o Paula nai apositolo me baleta na dina “me vaka na dina sa tu vei Jisu” (Efeso 4:21).

Hmmmm.

Na dina me vaka sa tu vei Jisu.

Cava sara mada na kenai balebale dina?

Rawa ni o vakasamataka na ka e a tukuna o Jisu ena dua na gauna, “Ia dou na kila na ka dina, ia na ka dina ena sereki kemudou,” vakalailai tale emuri, e kaya tale vakaoqo, “Oi au… na vu nidina ” (Joni 8:32; 14:6).

Taura vakadodonu na vakasama, se vakaevei?

Na dina e sega ni dua walega nai tukutuku vakasokumuni me dau vakanananutaki, wasei ka veiletitaki talega.

Na dina e dua na tamata, na yacana o Jisu. Ena veiwekani kei Jisu, e vagalalataki kece na dodonu e vesuki keda—mai na kavoro kei na vakamadua ni veiwekani taucoko e semai vata.

E vakaevei na “dina e vunautaki e sega ni lako vata kei Karisito?

Na dina e yali kina o Karisito e ka wale ni yali kina na ka e kilai tani kina kei na nonai tovo. E sega na matana, sega na lomana se gagadre me baleti iko. Karua, na dina e yali kina o Jisu e vakamavoataka na lomada baleta na ka e cakava oya me veibeitaki ka veivakarerei talega. E sega ni rawa ni veivakabulai, vakamavotaka se veisautaka na loma ni tamata.

E sega ni cala kevaka me da kaya ni vakaleqa na na bula vakayalo na vunau eso nai vakavuvuli dina kei nai vakarau ni bula cecere ka sega ni vunataki Jisu ni o koya ga na Dina. E kaya o Paula, “ni sa ia na veivakamatei na ka sa volai” (2 Korinica 3:6), ka kenai balebale vua na dina e vunautaki ka sega ni kune kina o Karisito na ka bula, dauloloma, na uto ni yalololoma, e dau vakamatea na bula vakayalo ni tamata, kei na nona veiwekani talega. “Na dina e sega ni vakavotui Jisu vakavinaka e cemuria tani na tamata maivua na Kalou, vakayalia nonai nuinui ka vakasucuma e lomana na yalo ni veivakacacani me vakataki ira na Farisi. Na kena veibasai, eda kunei Jisu ni laveti ka veivakacegui na rua nai tovo oqo: e kaya o Joni ni a lako mai ki vuravura o Jisu “sa sinai e na loloma kei na dina” (Joni 1:14).

Sa raica oya?

Loloma kei na Dina!

Cava sa rui bibi kina na ka ruarua oqo?

Na Dina e yali kina na loloma e binia ga na madua vua na tamata i valavala ca, na loloma e veiwaki vata kei na Dina e vakabula na yalo e mavoa.

JISU NA UTO NI VEIKA KECE | Jisu - na uto ni noda vakabauta Page | 2 E matata kina, ni da sega ni gadreva walega na dina—na sui mamaca ni vakavuvuli dina. Eda gadreva na dina me vaka e tu vei Jisu—nai vakadinadina bula ni loloma ni Kalou.

Me da biuta vata e dua nai vakatautauvata rawarawa ia me veivakayavalati ka me tuberi keda yani ki na veiulutaga ni masumasu ena macawa oqo.

Nai vakavuvuli dina vakai Vola Tabu, e rawa ni vakasamataki me vaka e dua na katuba leka e laurai kina nai tovo ni Kalou mai na veiyasana kecega. Me da raica ni vaka e dua na vale e walu na tutuna. Na veitutuna yadua e tiko kina e dua na katuba leka.

Na katuba leka yadua e vakatakarakarataka e dua vei ira na nodai vakavuvuli se yavu ni noda

vakabauta:

–  –  –

Ni da rai yani ena vei katuba leka yadua, me da raica na loma ni vale, eda raici Jisu, Jisu, Jisu, Jisu, ni o koya ga nai vakadinadina bula kai vakaraitaki talega ni tovo ni Kalou.





Walu na katuba leka ki na dua bulu na ka dina!

E caka na katuba leka me rawa ni da rai basikata, sega ni ka me ra raica walega na dagona e tautuba. E vakayacora na katuba leka nai kenai naki ni da rai basikata ka raica na veika e tu e loma. Sega ni dua nai vakavuvuli vakaivolatabu me cava ga vakataki koya: sega ni Siga Tabu, sega ni ka baleta na mate, sega ni veilewai, sega ni parofisai baleta nai vakataotioti ni gauna. Sega ni dua vei ira nai vakavuvuli oqo me dusi koya ga vakataki koya. Na Siga Tabu e laurai kina na loma ni Kalou. Nai vakavuvuli baleta na vale tabu e biu mai me rawa ni da raica kina nai serau lagilagi ni Kalou ka vakakina na veivakavuvuli vakaivolatabu tale eso. Me vakaoqo na nomu vakasamataka. Vei keda na Lotu ni Kavitu ni Lesu Vakarua Mai, e dua ga na ka eda vakabauta, dua ga nai vakavuvuli: “Sa loloma na Kalou” (1 Joni 4:16).

Sai koya saraga oya.

Sega ni da vakabauta e levu na ka, e dua ga na ka eda vakabauta ia e vuqa na kena basoga. E rawa ni da vakamacalataka e dua na ka, ia e rawa ni o koya vata ga na ka eda raica, mai na veimuana duidui. Vaka ga e dua na vunikau ia e levu na tabana. Dua ga nai idini ia e levu na kena gacagaca era yavavala vata. Dua na uciwai ia e vuqa na veigusu ni wai lailai era sema vata kina.

Na levu ni vakavuvuli e tiko vei keda ena vakayacora na kedrai naki kevaka eda vakamacalataki ira me laveti kina na totoka ni loloma ni Kalou.

E vola vakamatata o Ellen White ni dodonu ga me vakaoqo: Na butobuto ni veika e vakamacalataki baleta na Kalou sa robota na vuravura. Era sega ni kila vakamatata na tamata na Nonai tovo. E sega ni kilai ka vakamacalataki lasu talega. Ena gauna oqo, sa solia mai na Kalou e dua nai tukutuku me vunautaki e lumuti ka veivakauqeti ka tiko kina na kaukauwa me ia na veivakabulai. Me kilai na nonai tovo. Me cila yani ki na vuravura butobuto na rarama ni Nonai ukuuku, na rarama ni nona caka vinaka, loloma kei na dina… Nai otioti ni rarama ni nona loloma me serau yani, nai otioti ni nonai tukutuku ni loloma me tukuni yani ki vuravura, sai vakadinadina ni nonai tovo, na loloma. (Ellen White, Christ’s Object Lessons, p. 415).

Veivakurabuitaki dina, se vakaevei?

JISU NA UTO NI VEIKA KECE | Jisu - na uto ni noda vakabauta Page | 3 Vakarerevaki dina nai yaloyalo duidui e vakatakilai e vuravura baleta na Kalou, vakauasivi vei ira na tamata lotu, ira era tukuna ni ra matataka na Kalou. E matataki cala vakaevei na Kalou? Enai vakavuvuli vakaivolatabu! Na Yavu ni vakabauta! Vuqa na tamata e vuravura era rerevaka na Kalou, sega ni baleta ni ra kilai Koya me vaka nai vakarau ni nona bula, mai nai tukutuku lasu ga era taura maivei ira na vakavuvuli vakailasu.

E kaciva vakatabakidua na Kalou na Lotu ni Kavitu ni Lesu Vakarua Mai me dua nai tosotoso vakaparofisai, me vunautaka e dua nai tukutuku matata e vuravura ni Kalou e Kalou vinaka ka vakadina kina. Ke kilai vakamatata, na yavu ni noda vakabauta e rawa ni solia ki vuravura e dua nai yaloyalo totoka ka veisureti talega baleti koya na Kalou ka dua tani mai na ka era kila eliu. Nai vakavuvuli ni Lotu ni Kavitu baleta na Kalou, ni dikevi ena bula nei Karisito, e vaka tiko e dua nai wasewase ni katuba leka e tukuna vakamatata nai tovo ni Kalou ka vakaseavutala nai tukutuku lasu kece baleti Koya.

Me da tekivutaka sara ena noda irova nai matai ni walu na katuba leka.

Tawamudu Cakava mada e dua na vakatovotovo rawarawa. Sogolati iko mada ena dua na loma ni vale ni sili ena gauna taucoko ni nomu bula—dua walega na vakatovotovo e vakasamataki, dabe tikoga ena nomui dabedabe ka vakayagataka ga na nomu vakanananu—ka taroga vakataki iko e dua bulu na taro: rawa beka ni’u vakila na loloma?

Nai sau ni taro sa matata vinaka, sega—kevaka sara mada ga e tiko vei iko e dua nai iloilo levu!

Cava na vuna e sega kina na nomui sau ni taro?

Na kenai sau rawarawa duadua e sega ni rawa ni vakilai na loloma ni da sogolati ka tu taudua. Na loloma dina e vagolei taumada vei ira na tani, ka sega ni vagolei ga vua e dua na tamata. Ni yaco oqo, sa na qai matata vakavinaka kina na bibi ni noda kila na Kalou. Me sereka mada vakamatailalai.

Nai matai ni dina eda raica ni da dolava nai Vola Tabu nai yaloyalo ni nodra veiwekani na veika bula ka sega ni

dua e tu ga vakataki koya. Raica na vosa e tukuni ni tekivu nai Vola Tabu:

“Enai vakatekivu sa bulia na lomalagi kei na vuravura na Kalou” (Vakatekivu 1:1).

E rua nai tukutuku e matata e laurai ena tikina oqo:

1. Kalou

2. Veika kece Na Kalou na Dauveibuli, na veika bula kecega a bulia ko koya. Sa kenai balebale ni Kalou e bula eliu ni bera ni buli e dua na ka, na Kalou duaduaga e bula ni bera ni buli e dua na ka. O Joni nai apositolo ena nona tukuni Jisu, e kaya vakaoqo, “Sa cakava na ka kecega ko koya; a sa sega e dua na ka sa caka, me sega ni cakava ko koya” (Joni 1:3). Titobu dina, au vakabauta, ia wawa vakalailai, baleta ni gadrevi me vakamatatataki sara vakavinaka.

Ena wase ni vola vata ga, e kaya vakaoqo o Joni: “E Nai vakatekivu sa bula ko koya na Vosa, a rau sa tiko vata kei na Kalou ko koya na Vosa, a sa Kalou ko koya na Vosa. E nai vakatekivu erau sa tiko vata ko koya oqo kei na Kalou” (Joni 1:1, 2).

Enai Vakatekivu, O cei e tiko kei cei?

“Enai vakatekivu… Kalou… tiko kei na Kalou.”

Totoka oya, ia erau tautauvata vata vakaevei na rua na Kalou oqori? E kaya vei keda o Joni ena tikina 18:

“Sega e dua na tamata sa raica na Kalou e na dua na gauna; na Luvena ga e dua bauga, sa vakatubura ko koya, ko koya sa tiko e na lomasere i Tamana, sa tukuni koya.” Wow; Au taleitaka oya! Kalou dauveiwekani!

Gadreva o Joni me da kilai Jisu, o koya ka tukuna mai liu ni Kalou, ni a lako mai ki na noda vuravura mai na dua na vanua ni veiwekani: mai “na lomaserei Tamana”. Lomaiserena e kenai e vakaibalebaletaki ki na veivolekati. Ni tiko kece na vakasama oqori ena nomu vakanananu, lesu tale ki na Vakatekivu 1: 1 “Enai vakatekivu sa bulia na lomalagi kei na vuravura na Kalou.” JISU NA UTO NI VEIKA KECE | Jisu - na uto ni noda vakabauta Page | 4 Na vosa vaka-Iperiu e vakayagataki ena yatuvosa oqo ka qai vakadewataki vakavavalagi me “Kalou” e matua vosa dina ga ka vakadewataki maikina. E cecere ka levu sara na kenai balebale. E dua yaca talei ka sega ni na

biuta tani vakarawarawa na tebenigusumu:

ELOHIM.

E vakayagataki ena lawa ni vosa vakavavalagi ka vakaibalebaletaki ki na lewe levu. Na Kalou eda wilika enai matai ni tikina enai Vola Tabu e dua ga ia e sivia na dua. Ena tikina emuri ena wase ni vola oqo, e vakavotui ka

matatata sara kina na vakanananu oqo. Raica na tikina e 26 kei na 27:

“A sa kaya na Kalou [Elohim], Me datou bulia na tamata mei tovo vata kei kedatou, ka me ucui kedatou….A sa bulia na tamata na Kalou mei tovo vata kei koya; e nai tovo ni Kalou sa buli koya ko koya; na tagane kei na yalewa sa buli rau ko koya.” Eda raica e ke ni vakamautaki vata na vosa Elohim ena vosa “datou” kei na “kedatou”. Me kakua ni da vakasamataka na Kalou me “Au” ga, ia e dodonu me da raici koya me dua e taleitaka na veiwekani ka vakaitavi vata kei na lewe vuqa ka sega ni o koya duaduaga. Nanuma nai matai ni noda vakasama: na loloma e sega ni cakacaka vua e dua ga na tamata. Mai na vakasama oqo, sa rawa ni da wilika ka kila nai tukutuku bibi e tukuni enai Vola Tabu: “sa loloma na Kalou” (1 Joni 4:8).

Sa rawa ni da soqona ena tikina oqo ni Kalou e sega ni bula duadua. Na Kalou e “datou ka “kedatou” tikoga ka sega ni bau veisau ena dua na gauna—dua e dauveiwekani baleta “ni loloma na Kalou.” E rawa ni da vakadewataka nai matai ni tikina enai Vola Tabu me vakaoqo: “Enai vakatekivu sa bulia na na lomalagi kei na vuravura na Loloma.” Ni da sema vata kei na Joni 1, sa na teleitaki dina sara nai yaloyalo eda kunea: “E Nai vakatekivu sa bula ko koya na Vosa, a rau sa tiko vata kei na Kalou ko koya na Vosa, a sa Kalou ko koya na Vosa. E nai vakatekivu erau sa tiko vata ko koya oqo kei na Kalou. Sa cakava na ka kecega ko koya; a sa sega e dua na ka sa caka, me sega ni cakava ko koya.” (Joni 1:1-3).

Mai na wase ni vola oqo, e da raici rau ruarua, na Kalou na Tamana kei na Kalou na Luvena ni rau a vakaitavi

ruarua ni buli na vuravura. Lesu tale ki na Vakatekivu 1 me kuria tale nai yaloyalo:

“A sa sega ni vakacokotaki ko vuravura a sa lala tu; a sa tu na butobuto e dela ni wasa titobu. A sa yavavala na Yalo ni Kalou e dela ni wai.” (Vakatekivu 1:2).

Eda kunea talega e ke na cakacaka ni Yalo Tabu ena gauna ni veibuli, vata kei Tamana kei na Luvena.

veivakurabuitaki!



Pages:   || 2 | 3 | 4 | 5 |   ...   | 14 |


Similar works:

«Privacy Impact Assessment for the USCIS Benefits Processing of Applicants other than Petitions for Naturalization, Refugee Status, and Asylum September 5, 2008 Contact Point Donald Hawkins, Privacy Officer United States Citizenship and Immigration Services Department of Homeland Security (202) 272-8000 Reviewing Official John Kropf Acting Chief Privacy Officer Department of Homeland Security (703) 235-0780 Privacy Impact Assessment USCIS Immigration Benefits Processing Page 2 Abstract The...»

«STATUTORY BOARD FINANCIAL SB-FRS 16 REPORTING STANDARD SB-FRS 16 Property, Plant and Equipment applies to Statutory Boards for annual periods beginning on or after 1 January 2009. This Standard is equivalent to FRS 16 Property, Plant and Equipment issued by the Council on Corporate Disclosure and Governance on 20 July 2007. Paragraphs Statutory Board Financial Reporting Standard 16 Property, Plant and Equipment OBJECTIVE 1 SCOPE 2-5 DEFINITIONS 6 RECOGNITION 7-14 Initial Costs 11 Subsequent...»

«Hawaii EV Public Charging Station Database This database is frequently updated, as private and public organizations add public charging stations across Hawaii. Contact information will only be posted if requested by the property owner. If you are property owner wishing to list EV charging station information, to be publicly available via the DBEDT State Energy Office EV website, electricvehicle.hawaii.gov please email: Margaret.s.larson@dbedt.hawaii.gov The following sites have publicly...»

«Federal Contractors Program COMPLIANCE REVIEW REPORT ON FINDINGS Follow-up Compliance Review Carleton University 1125 Colonel By Drive Ottawa, Ontario K1S 5B6 Certificate No. 060443 Reviewed by: Michael Paliga, Manager, Special Advisor, Workplace Equity Human Resources Development Canada Labour National Headquarters Date: October 19, 2004 Table of Contents Executive Summary A. Profile of the Organization B. General Compliance Review Findings Compliance Review Findings Criterion 1: Communication...»

«Bree Bellucci The Beasts' Breeding Dungeon Ava’s jaw nearly hit the floor as she andMichelle were herded into the darkened room where the magnificentmural took up the entire wall. “Isn’t it amazing?” Michelle whispered,walking up to study DaVinci’s masterpiece as the glass doors sealedbehind them. “I had no idea it was so big,” Ava whisperedwith awe. While Michelle stood and marveled at...»

«A REMARKABLE SUCCESS OUR ANTI-AGEING EXPERTISE !! Reference : 050712 – 13ENG 05/07/2012 The “FABULOUS SUCCESS STORY” goes on. with a new range: Anti-Ageing for “EYES” Dear Partners, The Anti Ageing Offer 2011 was not just a success; it took the world by storm! The “nextgeneration” concept of 3 specific anti-ageing offers: COLLAGEN (first wrinkles), HYALURONIC (deep wrinkles) and SILICIUM (deep wrinkles and lack of firmness), revolutionised the most important segment in facial skin...»

«UNITED STATES OF AMERICA DEPARTMENT OF ENERGY OFFICE OF FOSSIL ENERGY _ ) ALASKA LNG PROJECT, LLC ) FE DOCKET NO. 14-96-LNG _ ) ORDER CONDITIONALLY GRANTING LONG-TERM, MULTI-CONTRACT AUTHORIZATION TO EXPORT LIQUEFIED NATURAL GAS BY VESSEL FROM THE PROPOSED ALASKA LNG TERMINAL IN NIKISKI, ALASKA, TO NON-FREE TRADE AGREEMENT NATIONS DOE/FE ORDER NO. 3643 May 28, 2015 TABLE OF CONTENTS I. INTRODUCTION II. SUMMARY OF FINDINGS AND CONCLUSIONS III. PUBLIC INTEREST STANDARD IV. DESCRIPTION OF REQUEST...»

«Journal of Computer-Mediated Communication Online Communication and Adolescent Well-Being: Testing the Stimulation Versus the Displacement Hypothesis Patti M. Valkenburg Jochen Peter The Amsterdam School of Communications Research (ASCoR) University of Amsterdam The aim of this study was to contrast the validity of two opposing explanatory hypotheses about the effect of online communication on adolescents’ well-being. The displacement hypothesis predicts that online communication reduces...»

«The National Survey of Fishing, Hunting, and Wildlife-Associated Recreation Cell Phone and Debit Card Test A Cost -Benefit Analysis Aniekan Okon Elke Mclaren Denise Pepe U.S. Census Bureau March 16, 2012 Abstract The 2011 National Survey of Fishing, Hunting, and Wildlife-Associated Recreation (FHWAR) is an address-based sample survey with interviews conducted by Computer-Assisted Telephone Interviewing (CATI) and Computer-Assisted Personal Interviewing (CAPI). We conducted a cell phone and...»

«La Asociación de Naciones del Sudeste Asiático: algunas similitudes con la Unión Europea Ignacio Bartesaghi1 Mayo de 2014 1. Introducción La academia no duda en categorizar a la Unión Europea como el proceso de integración más exitoso a nivel global, si bien en los últimos años, debido a los notables avances en el cumplimiento de sus objetivos, otros procesos de integración han captado la atención de los expertos. Este es el caso de la Asociación de Naciones del Sudeste Asiático...»

«C-uppsats i spanska Språkoch litteraturcentrum Lunds Universitet Un estudio sobre el por qué del cambio al comunismo en la revolución cubana Evilin Ling Handledare: Alicia MillandHT Índice: 1. Introducción y propósito..p. 1 1.2. Síntesis..p. 2 1.3. Método..p. 2 1.4. Hipótesis..p. 2 2.0. Antecedentes..p. 3 2.1. Los años de la universidad y la primera formación política de Fidel Castro.p. 3 2.2. Cuba antes de la revolución..p. 5 3.0. Antes y durante la revolución..p. 6 3.1. La...»

«Taller de revisión de acciones del PHVA de las poblaciones de jaguar (Panthera onca) de Costa Rica Parque Zoológico y Jardín Botánico Nacional Simón Bolívar San José, Costa Rica 11 de marzo, 2013. INFORME FINAL Financiado por: Con la colaboración de: Salom, R., Corrales, D. Rodríguez, J. & Matamoros, Y. (Eds.) 2015. Taller de revisión de acciones del PHVA de las poblaciones de jaguar (Panthera onca) de Costa Rica. Parque Zoológico y Jardín Botánico Nacional Simón Bolívar San...»





 
<<  HOME   |    CONTACTS
2016 www.theses.xlibx.info - Theses, dissertations, documentation

Materials of this site are available for review, all rights belong to their respective owners.
If you do not agree with the fact that your material is placed on this site, please, email us, we will within 1-2 business days delete him.